– ماتستغربش لما تلاقينى معديه من جنبك ومش واخده بالى منك
– ماتزعلش لما تتصل عليه في حاجة مهمة مليون مرة ومردش ، انت مش ف العالم اللي انافيه وماتعرفش ظروفى
– ماتستغربش لو لقيتنى متعصبة وبدور علي موبايلى اللي انا مسكاه في ايدى
-او لو بكلمك علي الموبايل واقولك ثواني بس هدور علي الموبايل وهرجع اكلمك دا عااااااااااادي جدا
-ماتزعلش لو سألتني مالك متضايقة ليه او زعلانه ليه وماقولتش السبب ، فـمش كل حاجة في الحياة ينفع تتحكي ، خليك جنبى
واستحملنى وماتزودهاش عليه
-لما تلاقيني سرحانة بعمق اوي ف اي حاجة حتي لو صندوق زبالة ، سيبني خالص في العالم الافتراضي اللي انا فيه ….هبقي كويسة لوحدى
-ماتحاولش تاخد مواعيد معايةلان غالبا وبنسبة ٩٩٩٪ الميعاد يتلغي لان مواعيدي كلها بايظة
– واخيرا وليس اخراً ، ومن الاخر اعذرونى عشان انت ماتعرفش حجم المعاناه والضغط والارهاق النفسي والبدني اللي بيتعرضلهم رغم التماسك الشديد قدام اي حد
فا ياريت ماتستغربش من اي رد فعل بقوم بيه
وخلي بالك ان كل ده ولاحاجة من اللي جوايا
وفيه حاجات عمرى ماهقولها ولا هعترف بيها وهموت وانت ماتعرفش عنهاحاجة
انتصار شاهين
